ہم امیر نہیں تھے لیکن میرے بھائی نے کبھی اس بات کا احساس نہیں ہونے دیا.. چھوٹی بہن کے خط نے اکشے کمار کو بھی رلا دیا

image

"ہم چھوٹے سے گھر میں رہتے تھے متوسط طبقے سے تعلق تھا لیکن میرے باپ اور بھائی نے کبھی اس بات کا احساس نہیں ہونے دیا۔ میرے پاس آج بھی اپنے بھائی کی یادگار کئی چیزیں محفوظ ہیں۔ اس کی بے شمار ڈائریز جس میں وہ پتا نہیں کیا لکھتا تھا، اس کی تصاویر اور پرانے کپڑے"

یہ الفاظ بالی وڈ کے مشہور اداکار اکشے کمار کی بہن الکا کے ہیں۔ حال ہی میں اکشے کمار کی ایسی ویڈیو وائرل ہورہی ہے جس میں انھیں ایک پروگرام میں بیٹھے اپنی بہن کے بارے میں بات کرتے دیکھا جاسکتا ہے۔

بھائی سے دل کی بات کہنے کے لئے خط لکھا

اکشے کی بہن نے انھیں 11 اگست کو اپنے گھر رکشا بندھن کہ دعوت دیتے ہوئے ایک جذباتی خط لکھا ہے۔ الکا کا کہنا ہے کہ جب وہ اپنے بھائی سے ملتی ہیں تو ہنسی کھیل میں دل کی بات نہیں کہہ پاتیں۔ وہ اپنے بھائی کو بتا نہیں پاتیں کہ وہ ان سے کتنی محبت کرتی ہیں۔ الکا کا کہنا ہے کہ اکشے ہمیشہ ان کے بچوں کے لئے اتنے کپڑے لے کر آتے ہیں کہ انھیں بچوں کے لئے کچھ خریدنے کی ضرورت نہیں پڑی۔

بہن پیدا ہوئی تو والدین نے کہا۔۔

دوسری طرف اکشے اپنی بہن کا خط پروگرام میں سن کر جذبات پر قابو نہ رکھ سکے اور رونے لگے۔ انھوں نے کہا کہ کب ان کی چھوٹی بہن پیدا ہوئی تو ان کء والدین نے کہا "جب بہن یا بیٹی پیدا ہو تو وہ دیوی ہوتی ہے۔ زندگی میں جہاں بھی جاؤ گے یہ دیوی تمھارے ساتھ جائے گی"

بہن کو ہمیشہ خوش دیکھنا چاہتا ہوں

اکشے کا کہنا ہے کہ وہ بھی اپنی بہن سے بہت محبت کرتے ہیں اور ہمیشہ انھیں خوش دیکھنا چاہتے ہیں۔


مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.