سوشل میڈیا پر مشہور شخصیات کی پرانی تصاویر تو بہت ہیں لیکن کچھ ایسی ہوتی ہیں جو سب کی توجہ حاصل کر لیتی ہیں۔
ہماری ویب ڈاٹ کام کی اس خبر میں آپ کو شوبز ستاروں کی ایک ایسی ہی تصویر کے بارے میں بتائیں گے۔
اس تصویر کو دیکھ کر اکثر لوگ یہ تو اندازہ ضرور لگا پا رہے ہیں کہ یہ جڑواں بہنوں کی سالگرہ ہے، لیکن یہ پہچاننا مشکل ہے کہ یہ کون سی مشہور اداکارائیں ہیں۔
تو رک جائیے جناب ہم خود ہی بتا دیتے ہیں، یہ مشہور اداکارہ ایمن خان اور مناہل خان ہیں۔
آنکھوں میں سرمہ لگائے دو ننھی پریاں اپنے رشتہ دار کی گود میں بیٹھی ہیں، جبکہ دونوں کے سر پر موجود مخصوص تاج سے اندازہ لگایا جا سکتا ہے کہ یہ ان دونوں ننھی پریوں کی سالگرہ کا دن ہے۔
سفید ریشمی کپڑوں میں ایمن اور مناہل کسی پریوں سے کم نہیں لگ رہی ہیں۔ یہ اہم دن کی تصویر محض تصویر ہی نہیں ہے بلکہ یہ ایسا احساس ہے جس میں خونی رشتے بھی موجود ہیں اور ایک اچھا وقت بھی جو بیت گیا۔