نیند میں مزے مزے کے خواب ہر انسان دیکھتا ہے اور جہاں تک خواب دیکھنے کی بات ہے تو جانور بھی خواب دیکھتے ہیں اسی لئے تو بلی کے خواب میں چھیچھڑے کی مثال بنی ہے کیونکہ اگر بلی خواب دیکھتی ہے تب ہی تو اس کو خواب میں کھانا نظر آتا ہے۔
اس ویڈیو میں ایک پیاری سی بلی محو خواب ہے اور اس کی شکل سے ایسا محسوس ہوتا ہے کہ شائد وہ خواب میں مزیدار کھانا دیکھ رہی ہے اور جونہی آنکھ کھلتی ہے اپنے سامنے من پسند کھانا دیکھ کر اس کا دل باغ باغ ہوجاتا ہے۔
معصوم سی بلی کی اس پیاری سی ویڈیو کو سوشل میڈیا پر ہزاروں لوگ دیکھ چکے ہیں اور ویڈیو کو بہت زیادہ شیئر بھی کیا جارہا ہے۔
یاد رہے کہ آج کے دور میں بلیاں پالتو جانوروں کے طور پر پالی جاتی ہیں، اس کے علاوہ بھی بلی انسانی آبادیوں میں آوارہ پائی جاتی ہے۔
ترقی یافتہ ممالک میں بلیوں کو پالتو جانوروں کو پالنے کا رواج بہت زیادہ ہے اور ان کے لیے مخصوص خوراک تیار کرنے کے کاروبار کو ایک بڑی صنعت کی حیثیت حاصل ہے۔