سول سیکریٹریٹ کوئٹہ سے مطلوب ’دہشت گرد‘ گرفتار

image

کوئٹہ میں پولیس اور قانون نافذ کرنے والے ادارے نے ریڈ زون میں واقع سول سیکریٹریٹ سے مطلوب مبینہ دہشت گرد کو گرفتار کرلیا ہے۔

پولیس کا کہنا ہے کہ گرفتار ملزم سرکاری ملازم تھا جو علمدار روڈ اور ہزارہ ٹاؤن دھماکوں میں مطلوب تھا۔

2013ء میں علمدار روڈ پر سنوکر کلب اور ہزارہ ٹاؤن کی سبزی منڈی میں ہونے والے خودکش دھماکوں میں کم از کم دو سو افراد ہلاک ہوئے تھے۔

ان دھماکوں کی ذمہ داری کالعدم لشکر جھنگوی نے قبول کی تھی۔

سی ٹی ڈی پولیس کے ایک افسر نے اردو نیوز کو نام ظاہر نہ کرنے کی شرط پر بتایا کہ ملزم ان دھماکوں کے ماسٹر مائنڈ عثمان سیف اللہ کا قریبی ساتھی ہیں۔

اس کا نام انتہائی مطلوب دہشت گردوں کی فہرست یعنی ریڈ بک میں شامل تھا تاہم اس کے والد کا نام اور باقی تفصیلات ریڈ بک میں درج نہیں تھیں جس کا فائدہ اٹھا کر ملزم گزشتہ نو سالوں سے پولیس سے رپوش رہا۔

سی ٹی ڈی افسر کے مطابق ملزم محکمہ خزانہ میں ملازمت کرتا تھا اور ریڈ زون میں واقع گورنر اور وزیراعلٰی ہاؤس سے متصل سول سیکریٹریٹ میں تعینات تھا-


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.