پاکستان کے سابق صدر آصف علی زرداری کی صحت کے حوالے سے اہم خبر سامنے آئی ہے۔
آصف علی زرداری کا علاج کرنے والے خصوصی ڈاکٹر عاصم حسین نے بتایا ہے کہ آصف علی زرداری کی طبیعت اب مزید بہتر ہونی شروع ہوگئی ہے۔
ڈاکٹر عاصم حسین نے بتایہ کہ سابق صدر کے نظام تنفس کی فزیو کی جا رہی ہے۔
خیال رہے کہ سابق صدر آصف زرداری کو صحت کی خرابی کے باعث 27 ستمبر کو کلفٹن کے نجی اسپتال منتقل کیا گیا تھا اور وہاں ان کے پھیپھڑوں کا معائنہ کیا گیا۔
سابق صدر ایک ماہ سے بیمار ہیں جبکہ ڈاکٹر عاصم کی سربراہی میں اسپیشلسٹ ڈاکٹروں کا بورڈ سابق صدر کا معائنہ کر رہا ہے۔
وہیں آصف زرداری کے بیرونی ملک علاج کروانے کے حوالے سے غیر ملکی ڈاکٹروں کا یہ کہنا تھا کہ فی الحال انہیں بیرون ملک علاج کی ضرورت نہیں ہے۔