کراچی میں ڈکیتی کی وارداتیں تو عام ہو گئی ہیں، تاہم اب ایک ایسی خبر سامنے آئی ہے، جس نے سب کو حیران کر دیا ہے۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
3 اگست کو بہادر آباد کے دکاندار سے ڈکیتی کی واردات کے دوران ڈکیتوں نے موبائل فونز، نقدی اور رقم چھینی تھی۔ جس کی سی سی ٹی وی ویڈیو بھی پولیس نے حاصل کر لی تھی۔
تاہم چھینے گئے موبائل فون میں دکاندار کی گوگل آئی ڈی کھلی ہوئی تھی، جس پر کچھ سرگرمی معلوم ہوئی، دکاندار نے جب اس پر تحقیق کی تو کسی نامعلوم شخص کی جانب سے اپنی سیلفی اور ائیر پورٹ کی تصاویر اپلوڈ کی گئی تھیں۔
تحقیقات کے بعد انکشاف ہوا کہ ٹیکنالوجی سے لاعلم ان ڈکیتوں نے موبائل تو چوری کر لیا تھا، تاہم اس میں موجود آئی ڈی کو بند نہ کر سکے۔
ڈکیت کراچی سے قطر جانے والی پرواز میں موجود تھے، جبکہ قطر بھی پہنچ گئے، لیکن ان تصاویر نے سب بھانڈا پھوڑ دیا۔
یعنی کراچی سے چھینا گیا موبائل فون اب قطر بھی پہنچ گیا۔