رمضان سے قبل ہی گھی کے بعد چینی بھی مہنگی کر دی گئی

image

رمضان کی آمد سے قبل یوٹیلیٹی اسٹورز پر گھی کے بعد چینی بھی مہنگی کردی گئی۔

وزیر اعظم پیکچ کے تحت یوٹیلیٹی اسٹورز پرفروخت ہونے والی چینی فی کلو 2 روپے مہنگی کردی گئی۔جس کے بعد یوٹیلیٹی اسٹورز پر سبسڈی والی چینی کی قیمت 89 سے بڑھاکر 91 روپے کلو ہو گئی، چینی کی قیمت میں اضافے کا اطلاق فوری طور پر ہوگا۔

بینظیر انکم سپورٹ کے افراد کے لیے چینی کی قیمت میں اضافہ نہیں کیا گیا ہے، مارکیٹ میں اس وقت بھی چینی 105 روپے فی کلو ہے۔

دوسری جانب بلوچستان میں آٹے کی قیمتوں میں پھر اضافہ کردیا گیا ہے۔

بیس کلو آٹے کا تھیلا کوئٹہ میں 2700 روپے میں فروخت ہو رہا ہے،انتظامیہ کو قیمتوں کو کنٹرول کرنے میں ناکامی کا سامنا ہے۔

اس کے علاوہ ملک بھر میں سبزی فروٹ کی قیمتوں میں بھی اضافے کا سلسلہ جاری ہے دوسری جانب متحدہ عرب امارات کے تاجروں نے رمضان میں 75 فیصد تک تمام اشیاء سستی کر دی ہیں۔


News Source   News Source Text

مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.