ورچوئل ایسٹس ریگولیٹری اتھارٹی کے تاریخی اقدام سے پاکستان بین الاقوامی ڈیجیٹل مارکیٹ کی توجہ کا مرکز بن گیا، اتھارٹی کے کیپٹل مارکیٹس کو مضبوط بنانے کے لیے فوری اور متحرک اقدامات جاری ہیں۔
اتھارٹی کے چیئرمین بلال بن ثاقب کی سابق بائننس سی ای او چانگ پینگ ژا اور بلاک چین پلیٹ فارم "ٹرون (TRON) "کے بانی جسٹن سن سے اہم ملاقات کی۔ سابق بائننس سی ای او چانگ پینگ ژا کے مطابق پاکستان نے کرپٹو ریگولیشن میں تیزی سے ترقی کے ساتھ ساتھ پاکستانی نوجوان طبقہ کے لیے منظم اور محفوظ کرپٹو اپنانے کے مواقع فراہم کیے۔
چانگ پینگ ژا کے مطابق پاکستان کا نوجوان طبقہ پیشہ ورانہ صلاحیت، جدت اور نئی ٹیکنالوجیز اپنانے میں ماہر ہے،پاکستان سب سے زیادہ کرپٹو صارفین رکھنے والی آبادی میں دنیا کے تین بڑے کرپٹو ممالک میں شامل ہے، پاکستان کی اسٹاک مارکیٹ کو ٹوکنائز کرنے سے عالمی سرمایہ کاری میں خاطر خواہ اضافہ اور ملکی معیشت مستحکم ہوگی۔
جسٹن سن کا کہنا تھا کہ کرپٹو کی بدولت ہر شہری کے لیے آسان اور مساوی مالی رسائی حاصل ہوسکے گی۔ جسٹن سن نے کہا کہ کرپٹو کرنسی کے ذریعے پاکستان کے معاشی نظام کو مزید قوی، جدید اور شفاف بنا رہے ہیں۔
یہ اہم ملاقاتیں پاکستان کے ابھرتے ہوئے انقلابی ڈیجیٹل اثاثہ جات کے فریم ورک پر بڑھتی ہوئی بین الاقوامی توجہ کی عکاسی کرتی ہے۔
پاکستان کی ریگولیٹری پالیسی اور طویل المدتی صلاحیت پر عالمی کرپٹو لیڈرز کا بڑھتا ہوا اعتماد ملکی معیشت کی اونچی اڑان کا مظہر ہے، کرپٹو کے مثالی اقدام سے پاکستان میں غیر ملکی سرمایہ کاری، ریمیٹنس اور مالیاتی ذخائر میں خاطر خواہ اضافہ ممکن ہوگا۔