راولپنڈی: سیکیورٹی فورسز نے چمن میں آپریشن کر کے بڑی مقدار میں اسلحہ، گولہ بارود اور آئی ای ڈیز برآمد کر لی ہیں۔
پاک فوج کے شعبہ تعلقات عامہ (آئی ایس پی آر) کے مطابق آپریشن چمن کے علاقے رحمان کاہول میں کیا گیا، آپریشن دہشت گردوں کے مشتبہ ٹھکانوں پر ہوا۔
آئی ایس پی آر کے مطابق دہشت گردوں کے ٹھکانے کی نشاندہی مسلسل نگرانی اور مصدقہ اطلاعات کے بعد کی گئی تھی، آپریشن کے دوران بڑی مقدار میں اسلحہ، گولہ بارود اور آئی ای ڈیز برآمد ہوئیں۔
پاک فوج کے شعبہ تعلقات عامہ کے مطابق پاک فوج قوم کے ساتھ مل کر بلوچستان کی ترقی اور امن و امان سبو تاژ کرنے کی ہر کوشش ناکام بنا دے گی۔