“تمام کھلاڑی روزے رکھیں گے۔ میرا خود بھی پہلی بار رمضان میں میچ کھیلنے کا تجربہ ہے مگر ایک کھلاڑی کو پتا ہوتا ہے کہ اس کے جسم کو کب کس چیز کی ضرورت ہے اس لئے کھلاڑی خود اس کو کنٹرول کریں گے اور روزے رکھنے کے ساتھ ساتھ بہترین کارکردگی کا مظاہرہ بھی کریں گے“
یہ کہنا ہے پاک افغان سیریز کے لئے منتخب ہونے والے پاکستان کے نئے کپتان شاداب خان کا جنھوں نے کل میچ کے بعد میڈیا کے کئی سوالات کے جواب دیے۔
پی ایس ایل کے بعد ٹیم فارم میں ہے
شاداب خان کا کہنا تھا کہ ٹیم اس وقت پی ایس ایل کھیلنے کے بعد فارم میں ہے اور اس لئے اچھا کھیل سکتی ہے جبکہ دوسری طرف افغانستان کی ٹیم بھی بہت اچھی ہے اس لئے ان کا مقابلہ کرنے کے لئے ہمیں محنت اور عقل دونوں کا استعمال کرنا ہوگا۔
شاداب خان کی کارکردگی
واضح رہے کہ کل افغانستان نے پاکستان کو 4 وکٹس سے شکست دی تھی جبکہ کپتان شاداب خان صرف 12 رنز پر آؤٹ ہوگئے تھے۔