پاکستانی ٹیم کی تنخواہ سے بھی زیادہ مہنگی۔۔ ہاردک پانڈیا کی پہنی اس گھڑی کی قیمت کیا ہے؟ جان کر لوگوں کے منہ کھلے رہ گئے

بھارتی آل راؤنڈر ہاردک پانڈیا نہ صرف اپنی دھواں دار بولنگ اور جارحانہ بیٹنگ کے لیے مشہور ہیں، بلکہ ان کا لگژری لائف اسٹائل بھی کسی سے کم نہیں۔ وہ قیمتی اور نایاب گھڑیوں کے دیوانے مانے جاتے ہیں، اور ان کے کلیکشن میں وہ ماڈلز شامل ہیں جنہیں دنیا بھر کے کلیکٹرز رشک کی نظر سے دیکھتے ہیں۔

چیمپئنز ٹرافی 2025: پانڈیا کی گیند، بابر اعظم کا وکٹ اور ایک مہنگی ترین گھڑی!

پاکستان اور بھارت کے درمیان چیمپئنز ٹرافی 2025 کے پانچویں میچ میں ہاردک پانڈیا نے اس وقت تہلکہ مچا دیا جب انہوں نے بابر اعظم کو شاندار گیند پر کلین بولڈ کر دیا۔ پاکستانی کپتان کے آؤٹ ہوتے ہی میچ کا منظر بدل گیا، لیکن مداحوں کی نظریں صرف اس شاندار وکٹ پر نہیں بلکہ پانڈیا کی کلائی پر بھی جم گئیں!

8 لاکھ ڈالر کی گھڑی: رچرڈ ملی آر ایم 27-02 نے توجہ چرا لی!

بابر اعظم کو آؤٹ کرنے کے بعد، کیمروں نے ہاردک پانڈیا کی کلائی پر چمکتی ہوئی رچرڈ مل آر ایم 27-02 گھڑی کو کیپچر کیا، جس کی قیمت تقریباً 8 لاکھ امریکی ڈالر (پاکستانی 22 کروڑ 58 لاکھ روپے) بتائی جا رہی ہے! یہ نادر ماڈل اپنی جدید انجینئرنگ، انتہائی ہلکے وزن اور ناقابلِ یقین مضبوطی کی وجہ سے مشہور ہے۔

رافیل نڈال کے لیے ڈیزائن، پانڈیا کی کلائی کی زینت!

دلچسپ بات یہ ہے کہ یہ گھڑی اصل میں ٹینس لیجنڈ رافیل نڈال کے لیے ڈیزائن کی گئی تھی۔ اس کی ٹائٹینیم پل، 70 گھنٹے کا پاور ریزرو، کوارٹز ٹی پی ٹی کیس اور جھٹکوں سے بچاؤ کی حیران کن صلاحیت اسے دنیا کی منفرد ترین گھڑیوں میں شامل کرتی ہے۔ اس کا سیاہ اور سفید رنگ نہ صرف اسے ایک فیشن سٹیٹمنٹ بناتا ہے بلکہ یہ ٹیکنالوجی کا ایک معجزہ بھی سمجھی جاتی ہے۔

پانڈیا کا اسٹائل، سب کی توجہ کا مرکز!

ہاردک پانڈیا ہمیشہ اپنی پرتعیش زندگی اور برانڈڈ اشیاء کے لیے خبروں میں رہتے ہیں، اور یہ گھڑی ان کے شاہانہ ذوق کی ایک اور جھلک ہے۔ چاہے وہ گراؤنڈ میں وکٹیں اڑائیں یا اپنی لگژری گھڑیوں سے سرخیوں میں آئیں، پانڈیا خبروں میں چھائے رہنے کا فن بخوبی جانتے ہیں!