افسوس کہ رمضان کے مبارک مہینے میں جہاں غیر مسلم ممالک خصوصی رعایت دیتے ہیں وہیں مسلمان ملک ہونے کے باوجود پاکستان میں مہنگائی اور کھانے پینے سے متعلق ایسی خبریں سامنے آتی ہیں جن کو سن کر سر شرم سے جھک جاتے ہیں۔ ایسا ہی واقعہ پیش آیا ساہیوال میں جہاں مہنگے ترین ہوٹل نے افطار بوفے کے نام پر لوگوں کو مرے ہوئے جانوروں کا گوشت کھلادیا۔
ناقص خوراک کھانے کے بعد شہریوں کی طبعیت خراب ہوگئی جس پر انھوں نے بڑی تعداد میں انتظامیہ سے شکایت کی۔ فوڈ سیفٹی ٹیم کے چھاپہ مارنے سے سامنے آئی اطلاعات نے شہریوں کو ہلا کے رکھ دیا کیونکہ ہوٹل میں بڑی تعداد میں مرے ہوئے جانوروں کا گوشت موجود تھا۔
معروف ہوٹل پر جرمانہ
پنجاب فوڈ اتھارٹی کا کہنا ہے کہ ہوٹل میں پایا جانے گوشت خراب اور بدبودار تھا۔ اس وجہ سے انتظامیہ نے نہ صرف گوشت ضائع کردیا بلکہ ہوٹل پر 50 ہزار کا جرمانہ بھی کردیا۔