سعودی عرب کے دارالحکومت ریاض میں عرب چین سربراہی اجلاس کے پہلے روز سعودی عرب نے اربوں ڈالرکی سرمایہ کاری کا اعلان کر دیا۔
سعودی وزارت سرمایہ کاری کا کہنا تھا کہ پہلے روز10ارب ڈالرسرمایہ کاری کے معاہدے ہوئے، اجلاس میں چین اورعرب ممالک کی 3500 سے زائد کاروباری شخصیات شریک ہوئیں۔
آج اجلاس کے دوسرے روزٹیکنالوجی، زراعت، سیاحت اوردیگر شعبوں میں معاہدے ہوں گے، سعودی وزیر خارجہ کا کہنا تھا کہ عرب ممالک چین کے ساتھ شراکت داری ا ور تعاون بڑھانا چاہتے ہیں۔
چین 430 ارب ڈالرسرمایہ کاری کے ساتھ عرب ممالک کاسب سے بڑا تجارتی شراکت دارہے،سعودی عرب کے مطابق صنعتکاری،سائنس اورگرین ٹیکنالوجی سمیت مختلف شعبوں میں تعاون کوفروغ دیں گے۔