گذشتہ روز سابق وفاقی وزیر شیریں مزاری کی بیٹی ایمان مزاری کو پولیس نے ان کی رہائش گاہ سے گرفتار کیا۔
ذرائع کے مطابق اسلام آباد کی انسداد دہشت گردی عدالت نے ایمان مزاری کو 3 روزہ جسمانی ریمانڈ پر پولیس کے حوالے کیا گیا ہے۔
اس حوالے سے شیریں مزاری نے اپنی بیٹی کی گرفتاری سے متعلق اہم انکشافات بھی کیے ہیں۔ سابق وفاقی وزیر شیریں مزاری کا کہنا ہے کہ دشمن چاہتا ہے کہ میری بیٹی کے ساتھ کچھ برا ہو۔
اسلام آباد میں میڈیا سے گفتگو کرتے ہوئے شیریں مزاری کا کہنا ہے کہ ایمان مزاری کو وین میں بٹھایا اور جب لے گئے تو وہ بے ہوش ہوگئیں، بے ہوش ہونے کے باجود ڈاکٹر سے ملنے نہیں دیا گیا، ایمان کے دادا کی شاعری کی کتاب بھی نہیں دی گئی۔
شیریں مزاری نے بتایا کہ ایمان نے کھانے سے منع کردیا ہے، دشمن چاہتا ہے کہ میری بیٹی کے ساتھ کچھ برا ہو، ایمان انسانی حقوق کی وکیل ہے اور اس کی جان کو حوالات میں خطرہ ہے۔
شیریں مزاری نے اپنی بیٹی کی رہائی کا بھی مطالبہ کیا ہے۔