ایمان مزاری اور علی وزیر کی ضمانت سے متعلق بڑی خبر سامنے آئی ہے۔
تفصیلات کے مطابق اسلام آباد کی انسدادِ دہشت گردی کی عدالت نے شیریں مزاری کی بیٹی ایمان مزاری اور علی وزیر کی درخواستِ ضمانت منظور کر لی ہے۔
ایمان مزاری اور علی وزیر کی درخواست ضمانت بعداز گرفتاری پر سماعت اے ٹی سی جج ابوالحسنات ذوالقرنین نے کی۔
پراسیکیوٹر راجا نوید، شیریں مزاری اور وکیل صفائی اے ٹی سی میں پیش ہوئے۔
عدالت نے ایمان مزاری اور علی وزیر کی درخواستِ ضمانت 30، 30 ہزار روپے مچلکوں کے عوض منظور کی۔
سماعت کے دوران پراسیکیوٹر راجا نوید کا کہنا تھا کہ ایمان مزاری کے جلسے میں ہزار سے زائد افراد موجود تھے، انہوں نے تقریر میں کہا ریاستی افسران نے غداری کی ہے، ایمان مزاری کی تقریر کی یو ایس بی (USB) ابھی آنی باقی ہے۔