کرکٹ ورلڈ کپ کے آغاز سے قبل دنیا کے سب سے بڑے اور امیر بورڈ کے دعوے کرنے والے بی سی سی آئی کا غرور انڈین کرکٹ یوٹیوبر نے خاک میں ملادیا ہے۔
پاکستان اور آسٹریلیا کے درمیان راجیو گاندھی انٹرنیشنل اسٹیڈیم میں وارم اپ میچ میں یوٹیوبر وینکٹش نے بھارتی کرکٹ بورڈ کی نا اہلی کا پول کھولتے ہوئے حیدرآباد میں میچ کے دوران اسٹیڈیم میں تماشائیوں کے لیے موجود سیٹوں پر جمی گندگی کی تصاویر اور ویڈیو سوشل میڈیا پر پوسٹ کر دی۔
ویڈیو اور تصاویر میں دیکھا جاسکتا ہے کہ اسٹیڈیم میں موجود سیٹیں بری طرح گندی ہیں۔یوٹیوبر نے ایکس پر اسٹیڈیم کی سیٹوں پر جمی گندگی کی ویڈیو اور تصاویر اپ لوڈ کرتے ہوئے لکھا کہ حیدرآباد میں اسٹیڈیم میں کچھ نہیں بدلا سوائے چند کھڑکیوں کے، میچ دیکھنے آنے والوں کے سکون کا خیال نہیں رکھا گیا۔
یاد رہے کہ بھارتی کرکٹ بورڈ آئی سی سی آئی پی ایل سے ہونے والی کمائی کی وجہ سے آئی سی سی میں سب پر دھونس جماتا ہے اور سب سے امیر بورڈ ہونے کا کریڈٹ لیتا ہے تاہم میگا ایونٹ کی تیاریاں انتہائی ناقص ہیں۔