ٹوکیو۔7جنوری (اے پی پی):جاپان کے وسطی علاقوں میں زلزلےکے بعد سے ہزاروں گھروں میں پانی اور بجلی تاحال منقطع ہے، جاپانی خبررساں ادارے این ایچ کے کے مطابق جاپان کی وزارت صحت کی جانب سے جاری بیان میں کہا گیا ہے کہ گزشتہ پیر کے شدید زلزلے سے سب سے زیادہ متاثر ہونے والےوسطی علاقوں میں 72,000 سے زیادہ گھرانوں میں پانی کی ترسیل تاحال منقطع ہے۔
سب سے زیادہ متاثرہ اِشی کاوا کے سات شہروں اور 7 قصبوں کے تقریباً 66,400 گھرانوں کے نلکوں میں پانی نہیں آ رہا۔ تویاما کے دو شہروں کے تقریباً 5,640، اور نیگاتا پریفیکچر کے 2 شہروں کے تقریباً 150 گھرانے بھی پانی سے محروم ہیں۔ وزارتِ صنعتنے کہا کہ زلزلے کے سبب بجلی کی تقسیم کے آلات کو نقصان پہنچا ہے، جس سے اِشی کاوا کے تقریباً 23,900 گھرانوں کی بجلی منقطع تھی۔