تہران ۔23جنوری (اے پی پی):ایران کے صدر ابراہیم رئیسی 24جنوری کو ترکیہ کا دورہ کریں گے۔
شنہوا کی رپورٹ کے مطابق ایرانی صدر ابراہیم رئیسی اپنے ترک ہم منصب رجب طیب اردوان کی دعوت پر کل سرکاری دورے پر انقرہ روانہ ہوں گے۔ ایک اعلیٰ سطح کا سیاسی اور اقتصادی وفد ایرانی صدر کے ساتھ ترکیہ جائے گا۔دونوں صدور ایک نجی ملاقات بھی کریں گے،ترکی۔ایران اعلیٰ سطح کے تعاون کونسل کے آٹھویں اجلاس کی مشترکہ صدارت کریں گے اور ایک مشترکہ پریس کانفرنس بھی کریں گے۔دونوں صدورترکیہ ۔ایران تاجروں اور کاروباری شخصیات کے مشترکہ اجلاس میں بھی شرکت کریں گے۔ ■