مکہ مکرمہ ۔23جنوری (اے پی پی):مکہ مکرمہ میونسپلٹی نے عازمین حج کو رہائش فراہم کرنے والی کمیٹی سے عمارتوں کے اجازت نامے حاصل کرنے کی ہدایت کی ہے۔ اردو نیوز کے مطابق مکہ مکرمہ گورنریٹ نے ایکس پر اپنے آفیشل اکاؤنٹ میں کہا ہے کہ عازمین حج کو رہائش فراہم کرنے والی کمیٹی نے عازمین کی رہائش کے لیے مختص عمارتوں کے اجازت ناموں کے لیے درخواستوں کی وصولی شروع کردی ہے۔ عازمین کی رہائش کے لیے مختص عمارتوں کے مالکان اور سرمایہ کاروں کو چاہیئے کہ وہ متعلقہ دفاتر میں اپنی درخواست جمع کرائیں تاکہ ان عمارتوں کا معائنہ کیا جاسکے۔