تل ابیب ۔8فروری (اے پی پی):امریکی وزیر خارجہ انٹونی بلنکن نے کہاکہ غزہ سے یرغمالیوں کی واپسی کا معاہدہ ممکن ہے ۔
اے ایف پی کے مطابق انہوں نے تل ابیب میں اسرائیلی وزیراعظم نیتن یاہو سے ملاقات کے بعد صحافیوں سے بات کرتے ہوئے کہا کہ اگر محنت کی جائے تو غزہ سے یرغمالیوں کی واپسی کا معاہدہ ابھی بھی ممکن ہے ۔ انہوں نے مزید کہاکہ ہماری کوشش ہے کہ جلد ازجلد فلسطین میں جنگ بندی ہو ۔انہوں نے اس موقع پر فلسطینی شہریوں کی حفاظت پر بھی زور دیا۔ انہوں نے کہاکہ اسرائیل کی ذمہ داری ہے کہ وہ شہریوں کے تحفظ کو یقینی بنانے کے لیے ہر ممکن کوشش کرے۔ انہوں نے رفح کے بارے میں کہا کہ کوئی بھی فوجی آپریشن جو اسرائیل کرتا ہے اسے عام شہریوں کو اس بارےآگاہ کرنا چاہیے ۔