پی ڈی ایم اے نے پنجاب بھر میں بارشوں کے پیش نظر الرٹ جاری کر دیا ہے۔
پی ڈی ایم اے کے مطابق پنجاب بھر میں 26 جون تا یکم جولائی تک بارشوں کی پیشگوئی ہے، راولپنڈی، لاہور، سیالکوٹ، گوجرانوالا اور نارووال میں اربن فلڈنگ کا اندیشہ ہے۔
اسلام آباد ہائیکورٹ کا زرتاج گل کا نام ای سی ایل سے نکالنے کا حکم
ترجمان پی ڈی ایم اے کے مطابق اربن فلڈنگ سے نمٹنے کیلئے متعلقہ انتظامیہ کو الرٹ جاری کر دیا گیا، پنجاب کے مختلف اضلاع میں شدید طوفان اور کہیں ژالہ باری بھی ہو سکتی ہے۔
شدید طوفان میں سولر پلیٹوں کی حفاظت کیلئے ضروری اقدامات کئے جائیں، سیلابی صورتحال والے اضلاع میں انتظامیہ دریاؤں اور نالوں کے راستے کلیئر کرے۔
الرٹ میں کہا گیا کہ دریاؤں اور نالوں میں نہانے پر پابندی کے قانون پر سختی سے عمل درآمد کروایا جائے، ریسکیو اداروں، نکاسی آب کے ذمہ دار اداروں کو بھی الرٹ رہنے کی ہدایات جاری کی گئی ہیں۔