آج کل ملک بھر میں بارشوں اور تیز ہواؤں کا زور ہے. ایسے میں جن گھروں میں سولر پینلز موجود ہیں وہ ان کی حفاظت کے لیے فکر مند ہوجاتے ہیں کہ کہیں آندھی یا تیز بارش سے سولر پینل کو نقصان نہ پہنچ جائے. تو آئیے آج آپ کو اس پریشانی سے بچنے کے چند طریقے بتاتے ہیں.
سولر سسٹم کی تنصیب
سولر پینل لگواتے ہوئے اس بات کا خیال رکھنا ضروری ہے کہ پینل کا اسٹیند چند انچ تک مٹی میں سیمنٹ کےزریعے اچھی طرح دبایا گیا ہو تاکہ ہوا سے وہ فوراً جگہ نہ چھوڑ دے. اگر آپ کو لگتا ہے کہ پینل مضبوطی سے فٹ نہیں ہے تو آپ اس کی فوری مرمت کرالیں
سولر پینل کو ایک بار چیک ضرور کرلیں کہ اس میں لگے تمام نٹ بولٹ اچھی طرح کسے ہوئے ہیں یا نہیں. کیونکہ ان کے ڈھیلے پڑنے کی صورت میں پینل ہوا کا زور برداشت نہیں کرسکے گا اور اڑ جائے گا. ان کو لازمی اسکریو ڈرائیور کی مدد سے ٹائٹ کرلیں
سولر پینل کے کورز
سولر پینل کے کورز بھی ملتے ہیں جو بارش کے پانی اور دھول مٹی سے پینل کی سطح کو محفوظ رکھتے ہیں. ان کوورز کو موسم تبدیل ہونے کے بعد بآسانی کھینچ کر اتارا جاسکتا ہے. سولر پینل کے کوورز اسی دکان سے مل جاتے ہیں جہاں پینل کی خریدوفروخت ہوتی ہے
سولر پینلز پر کوٹنگز
سولر پینلز پر ہائیڈرو فوبک کوٹنگز لگانے سے پینل پانی سے محفوظ ہوجاتے ہیں اور ایسے قطروں کی شکل اختیار کرنے سے محفوظ ہوجاتے ہیں جو کارکردگی کو کم کرتے ہیں. یہ کوٹنگز پینلز کو زنگ لگنے سے بھی بچا سکتی ہیں۔ اینٹی ریفلیکٹو کوٹنگز سولر پینلز کی کارکردگی کو بھی بہتر بنا سکتی ہے کیونکہ یہ چمک کو کم کرتی ہیں اور روشنی کو زیادہ جذب کرتی ہیں۔