ٹیکنالوجی کی دنیا کے دو بادشاہ اسٹیو جابز اور بل گیٹس سے کون واقف نہیں. اسٹیو جابز ایپل کے خالن جبکہ بل گیٹس مائیکرو سافٹ کے شریک بانی ہیں. حال ہی میں ان دونوں شخصیات کی نوعمری کے زمانے کی سی وی منظر عام پر آئی ہے. جس سے لوگوں کو پتا چلتا ہے کہ جدید ٹیکنالوجی سے دنیا کو روشناس کرانے والی یہ شخصیات بھی کسی دور میں روزگار کی تلاش کے لیے جدوجہد کرتی تھیں.
ایکس پر پوسٹ ہونے والی ان دونوں شخصیات کی سی ویز اس وقت کی ہیں جب ان دونوں کی عمریں صرف 18 برس تھیں. بل گیٹس کی سی وی 1974 کی ہے جس میں انہوں نے خود کو کمپیوٹر پروگرامنگ کا ماہر قرار دیا ہے۔انھوں نے مختلف پروگرامنگ لینگوئجز پر کام کرنے کے تجربے کا ذکر کیا ہے۔ جبکہ سی وی کے مطابق اس وقت بھی وہ 35 ہزار ڈالرز تنخواہ لے رہے تھے جو کہ ایک معقول رقم ہے. بعد ازاں بل گیٹس کمپیوٹر آپریٹنگ سسٹم سافٹ وئیر مائکروسافٹ کے بانی بنے.
جبکہ ایپل کے بانی اسٹیو جابز کی سی وی 1973 کی ہے جس میں الیکٹرونکس اور ٹیکنالوجی کو اپنی خصوصی صلاحیتیں قرار دیا۔ اسٹیو جابز نے آگے جاکر ایپل، نیکسٹ اور پکسر اینیمیشن اسٹوڈیوز جیسی کمپنیوں کی بنیاد رکھی جن سے میک، آئی پوڈ، آئی فون اور آئی پیڈ ڈیوائسز دنیا کے سامنے آئیں. 1985 میں اسٹیو جابز کو اپنی ہی کمپنی ایپل سے نکال دیا گیا تھا مگر 1997 میں وہ دوبارہ مالک بن بیٹھے.
اسٹیو جابز کا انتقال 56 برس کی عمر میں 5 اکتوبر 2011 کو کینسر کے مرض سے ہوا البتہ ان کی تخلیقی صلاحیتوں کی دنیا آج بھی معترف ہے.