بھارتی ریاست مہاراشٹر سے تعلق رکھنے والے ایک اسکول کی ویڈیو کے اس وقت سوشل
میڈیا پر کافی چرچے سنائی دے رہے ہیں جس کے ساتھ ہی یہ ویڈیو تیزی سے وائرل بھی
ہورہی ہے-
درحقیقت اس وائرل ویڈیو کی شہرت کی وجہ اسکول کے طالب علموں کا ’ٹیچرز ڈے‘ کے موقع
پر اپنی ٹیچر کو انوکھے انداز میں سرپرائز دینا ہے۔
ہوا کچھ یوں کہ طلبہ نے ٹیچرز ڈے کے موقع پر اپنے ٹیچرز کو انوکھے انداز میں
سرپرائز دینے کے لیے آپس میں لڑائی کا ڈرامہ کیا-
لڑائی کی آواز سن کر خاتون ٹیچر نے کلاس کی طرف دوڑ لگا دی، لیکن جب ٹیچر کلاس میں
داخل ہوئی تو تمام طلبہ نے اپنی ٹیچر کا والہانہ استقبال اور انہیں گلدستہ بھی پیش
کیا۔
سوشل میڈیا پر یہ ویڈیو متعلقہ اسکول ک دسویں جماعت کے طالب علم سرگم نے انسٹاگرام
پر شیئر کی جو دیکھتے ہی دیکھتے وائرل ہوگئی اور اسے اب تک 5 کروڑ سے زیادہ بار
دیکھا جا چکا ہے۔
سوشل میڈیا صارفین کی جانب سے اس ویڈیو کو کافی پسند کیا جارہا ہے، جبکہ صارفین
اپنے تبصروں کے ذریعے استاد اور طالب علم دونوں کی ستائش کر رہے ہیں۔