آئینی ترمیم کے معاملے پر جمعیت علمائے اسلام میں فارورڈ بلاک کی خبریں سامنے آئی ہیں۔
ذرائع کے مطابق جے یو آئی کے کچھ اراکین پارلیمنٹ سمجھتے ہیں پارٹی کو عدالتی اصلاحات کی حمایت کرنی چاہیے۔ فارورڈ بلاک میں 4 سے 5 ارکان شامل ہیں تاہم ترجمان جے یو آئی نے ان اطلاعات کی تردید کی ہے۔
آئینی ترمیم پر حتمی مشاورت، مولانا فضل الرحمنٰ ، نوازشریف ملاقات طے
جے یو آئی کے مرکزی رہنما اسلم غوری نے کہا ہے کہ پارٹی کے تمام ارکان سے رابطے میں ہیں۔ ہمارے 8 ایم این ایز اور 5 سینیٹرز میں سے صرف ایک سینیٹر سے رابطہ نہیں ہو رہا، سینیٹر عبدالشکور سے رابطے کی کوشش کر رہے ہیں۔
اسلم غوری نے کہا کہ مولانا فضل الرحمان نے ارکان پر واضح کر دیا ہے وہ 63 اے کے تحت پارٹی پالیسی کے مطابق ووٹ دیں گے۔