بنگلادیش کرکٹ ٹیم کے مایہ ناز کھلاڑی شکیب الحسن نے وطن واپسی کے معاملے پر یو ٹرن لے لیا ہے۔
ذرائع کے مطابق، سیکیورٹی صورتحال پر خدشات کے باعث شکیب الحسن نے بنگلادیش نہ جانے کا فیصلہ کیا ہے
میڈیا رپورٹ کے مطابق، گزشتہ روز شکیب الحسن کے خلاف ڈھاکا میں موجود شیر بنگلہ اسٹیڈیم کے باہر مظاہرہ ہوا ہوا تھا۔ جبکہ اس وقت اسٹیڈیم میں جنوبی افریقا اور بنگلادیش کی ٹیمیں پریکٹس کر رہی تھیں۔
بنگلا دیشی اسٹار شکیب الحسن نے میڈیا سے گفتگو کرتے ہوئے بتایا کہ، میں نے واپس بنگلادیش جانا تھا مگر اب ایسا لگتا ہے کہ میں نہیں جا سکوں گا، سیکیورٹی وجوہات کی وجہ سے ایسا فیصلہ کیا اور یہ میری ذاتی سیکیورٹی کا مسئلہ ہے اور یہ میرا فیصلہ حتمی ہے۔
کچھ وقت قبل شکیب الحسن نے اپنے کیریئر کا آخری ٹیسٹ میچ ہوم گراؤنڈ پر کھیلنے کی خواہش کا اظہار کیا تھا اور ان کا نام جنوبی افریقا کے خلاف ٹیسٹ سیریز کے اسکواڈ میں بھی شامل ہے۔