ایف بی آر نے جعلی رسید کی نشاندہی کرنے والوں کے لیے زبردست انعام کا اعلان کر دیا! اگر آپ کسی ریسٹورنٹ یا ریٹیلر کی جعلی پوائنٹ آف سیل (پی او ایس) رسید کا پتا لگاتے ہیں تو 20 ہزار روپے کے نقد انعام کے حقدار بن سکتے ہیں۔
ایف بی آر نے وضاحت کی ہے کہ ٹیکس آسان موبائل ایپ کے ذریعے رسید پر موجود کیو آر کوڈ اسکین کر کے اس کی تصدیق کی جا سکتی ہے۔ اگر کیو آر کوڈ سے معلومات درست نہ ہوں، تو ایپ میں موجود جیو ٹریکنگ فیچر کے ذریعے فوری طور پر جعلی رسید کی رپورٹ دی جا سکتی ہے۔
مزید تفصیلات اور رپورٹنگ کا مکمل طریقہ کار ایف بی آر کی ویب سائٹ پر دستیاب ہیں، تاکہ شہری آسانی سے اس انعامی اسکیم کا حصہ بن سکیں اور ٹیکس چوری کے خلاف اپنا کردار ادا کر سکیں۔ اب آپ کی ذرا سی مستعدی آپ کے لیے بڑی رقم اور ملک کے لیے بڑی خدمت ثابت ہو سکتی ہے!