انٹرنیشنل کرکٹ کونسل نے ٹیسٹ پلیئرز کی رینکنگ جاری کر دی ہے۔ بابراعظم کی ٹیسٹ اور ٹی ٹوئنٹی رینکنگ میں ترقی ہو گئی۔
آئی سی سی کی جانب سے جاری کی گئی ٹیسٹ رینکنگ میں انگلش بیٹر جو روٹ نے ہیری بروک سے پہلی پوزیشن واپس لے لی۔
جو روٹ ایک مرتبہ پھر نمبر ون ٹیسٹ بیٹر بن گئے ہیں، ہیری بروک ایک درجے تنزلی کے بعد دوسرے نمبر پر چلے گئے،پاکستان کے سعود شکیل 10 ویں نمبر پر موجود ہیں جبکہ بابر اعظم ایک درجے ترقی کے بعد 17 ویں نمبر پر آگئے۔
آئی سی سی چیمپئنز ٹرافی 3 وینیوز پر کرائے جانے کا امکان
ٹیسٹ بولرز میں بھارت کے جسپریت بمرا کا پہلا نمبر برقرار ہے جبکہ پاکستان کے نعمان علی 10 ویں نمبر پر موجود ہیں،باؤ لنگ میں نیوزی لینڈ کے میٹ ہینری دو درجہ ترقی سے ساتویں پوزیشن پر آ گئے ہیں۔
نیتھن لیون آٹھویں، جیسوریا نویں نمبر پر چلے گئے،انگلش آل راؤ نڈر گس ایٹکنسن کی 5 درجہ ترقی ہونے سے وہ آٹھویں نمبر پر آ گئے، بین اسٹوکس، اکشر پٹیل اور پیٹ کمنز کی ایک ایک درجہ تنزلی ہوئی ہے۔
ٹی ٹوئنٹی بیٹنگ رینکنگ میں ٹریوس ہیڈ پہلے نمبر پر ہیں جبکہ بابر اعظم کی ایک درجہ ترقی ہوئی ہے وہ ساتویں نمبر سے چھٹے نمبر پر آ گئے، محمد رضوان کی دو درجے تنزلی ہوئی ہے وہ آٹھویں پوزیشن پر چلے گئے ہیں۔