لاہور سمیت پنجاب بھر میں دھند کا راج ، حد نگاہ کم ہونے کے باعث موٹر ویز متعدد مقامات سے بند ہیں۔
ترجمان موٹر وے پولیس کے مطابق موٹر وے ایم 2 لاہور سے کوٹ مومن تک اورایم تھری کو لاہور سے درخانہ تک ٹریفک کیلئے بند کر دیا گیا ہے۔
دھند کے باعث گاڑی ٹریکٹر ٹرالی سے ٹکرا گئی، 6 افراد موقع پر جاں بحق
موٹر وے ایم 4 دھند کے باعث پنڈی بھٹیاں سے عبدالحکیم تک، ایم 4 ملتان سے فیصل آباد تک جبکہ ایم 5 ملتان سےسکھر تک بند ہے اس کے علاوہ سیالکوٹ موٹر وے ایم 11 پر بھی نو انٹری کا بورڈ آویزاں ہے۔
ترجمان کا کہنا ہے کہ شہری زیادہ سے زیادہ دن کے اوقات میں سفر کرنے کو ترجیح دیں، ڈرائیور حضرات گاڑی کے آگے اور پیچھے دھند والی لائٹس کا استعمال کریں۔