ملک کے زیادہ ترعلاقے شدید دھند کی لپیٹ میں آ گئے، کئی مقامات پر موٹرویز کو ٹریفک کیلئے بند کردیا گیا۔
ترجمان موٹروے پولیس کے مطابق ملک کے مختلف مقامات پر شدید دھند کے باعث موٹروے ایم 2 لاہور سے کوٹ مومن جبکہ موٹروے ایم 3 کو لاہور سے عبدالحکیم تک بند کردیا گیا۔
موٹروے ایم 4 پنڈی بھٹیاں سےعبدالحکیم تک جبکہ موٹروے ایم 5 شیرشاہ رحیم یارخان سے روہڑی تک دھند کے باعث موٹرویزکو ٹریفک کے لئے بند کردیا گیا۔
شدید دھند، موٹر وے کو مختلف مقامات سے بند کردیا گیا
ترجمان موٹروے پولیس نے بتایا کہ لاہور سیالکوٹ موٹروے ایم 11 کو بھی دھند کے باعث بند کردیا گیا ہے۔
موٹرویزکوعوام کی حفاظت اورمحفوظ سفر یقینی بنانے کیلئے بند کیا جاتا ہے، شہری زیادہ سے زیادہ دن کے اوقات سفر کریں۔
ترجمان نے مزید بتایا کہ عوام غیر ضروری سفر سے گریز کریں، تیز رفتاری سے پرہیز کر یں اور اگلی گاڑی سے مناسب فاصلہ رکھیں، ڈرائیورز فوگ لائٹس کا استعمال کریں۔