حکومت پاکستان نے اسماعیلی برادری کے روحانی پیشوا پرنس کریم آغا خان کے انتقال پر کل 8 فروری کو یوم سوگ منانے کا اعلان کر دیا ، ملک بھر میں قومی پرچم بھی سرنگوں رہے گا۔
پرنس کریم آغا خان 4 فروری کو پرتگال میں انتقال کر گئے تھے، ان کی نماز جنازہ کل ہفتے کو پرتگال میں ہو گی جبکہ تدفین اتوار کو مصر کے شہر اسوان میں کی جائے گی۔
پرنس کریم آغا خان کے فرزند پرنس رحیم الحسینی اسماعیلی فرقے کے جانشین نامزد
پرنس کریم آغا خان 13 دسمبر 1936 کو جنیوا میں پیدا ہوئے تھے،انہیں پاکستان کیلئے مثالی خدمات پرنشان پاکستان اور نشان امتیازسے نوازا گیا تھا۔
پرنس کریم آغا خان اسماعیلی برادری کے 49 ویں امام تھے، وہ 11 جولائی1957 کو 20 سال کی عمر میں اسماعیلی برادری کے امام بنے، ان کے انتقال کے بعد ان کے بیٹے پرنس رحیم آغا خان اسماعیلی برادری کو 50 واں امام مقرر کیا گیا ہے۔