میکسیکو میں ٹریفک کے خوفناک حادثے کے نتیجے میں 44 افراد جان کی بازی ہار بیٹھے۔
غیر ملکی خبر ایجنسی کے مطابق مسافر بس کینکن سے ٹیباسکو جا رہی تھی کہ اچانک بس میں آگ بھڑک اٹھی ، بس میں سوار 44 مسافروں میں سے کوئی بھی زندہ نہیں بچا۔
میکسیکو ، بس ٹریکٹر سے ٹکرانے کے بعد گہری کھائی میں جا گری ، 19 افراد ہلاک
ریسکیو اہلکاروں نے تمام لاشوں کو اسپتال منتقل کر دیا ، حکام نے حادثے میں ہلاک افراد کے اہلخانہ سے تعزیت کی ، کومالکالکو کے میئر اوویدیو پیرالٹا نے کہا کہ وفاقی اور ریاستی حکام متاثرین کی ہر ممکن مدد کے لیے قریبی رابطے میں ہیں۔
کمپنی کی جانب سے جاری ایک پیغام میں کہا گیا کہ بس حادثے پر ہمیں بہت دکھ ہے اور حکام کے ساتھ مل کر حادثے کی وجوہات جاننے کے لیے کام کر رہے ہیں۔