وزیراعلیٰ پنجاب مریم نواز نے صوبے میں بے گھر افراد کیلئے 3 مرلہ مفت پلاٹ دینے کا اعلان کر دیا۔
پہلے مرحلے میں 22 اضلاع میں 33 اسکیموں میں 1892 پلاٹ دئیے جائیں گے ، راولپنڈی ڈویژن کے 4 اضلاع کی 5 اسکیمز میں 658 ، فیصل آباد ڈویژن کے 5 اضلاع کی 4 اسکیمز میں 288 ، لاہور ریجن کے 3 اضلاع کی 5 اسکیموں میں 518 تین مرلہ کے پلاٹ دئیے جائیں گے۔
محفوظ، ترقی یافتہ پنجاب بنائیں گے جو برداشت اور امن کی مثال بنے گا، مریم نواز
اس کے علاوہ بھکر ریجن کی 7 اسکیمز میں 131 ، ملتان ریجن کے 5 اضلاع کی 9 اسکیمز میں 270 ، بہاولپورکی 3 اسکیمز میں شہریوں کو 27 پلاٹ ملیں گے۔ حضرو، اٹک، جہلم ،گجرات اور منڈی بہاؤالدین میں بھی پلاٹ دیئے جائیں گے۔
وزیر اعلیٰ مریم نواز کا کہنا ہے کہ پنجاب کے ہر شہری کے پاس اپنا گھر میراخواب ہے، نادار اور مستحق لوگوں کا بھی حکومتی وسائل پر حق ہے ، مفت پلاٹ کسی پر احسان نہیں ہو گا اپنا فرض ادا کر رہے ہیں۔