ملک بھر میں شبِ برات عقیدت و احترام کے ساتھ منائی جا رہی ہے۔
رحمتوں، برکتوں اور دعائے مغفرت کی اس رات مساجد اور گھروں میں خصوصی عبادات کا اہتمام ہوتا ہے اور لوگ اپنے پیاروں کی قبروں پر فاتحہ پڑھنے قبرستانوں کا رخ کرتے ہیں۔
علمائے کرام کہتے ہیں کہ شب برات کو فضیلت حاصل ہے کہ اس رات ہمارے اعمال کا حساب کتاب ہوتا ہے اور اللہ رب العزت کی جانب سے رزق میں برکت اور گناہوں کی بخشش کی جاتی ہے۔
اس مبارک رات میں مساجد اور گھروں پر نفلی عبادات، تلاوت قرآن پاک اور دعاؤں کا اہتمام کیا جاتا ہے۔