وزیراعلیٰ خیبر پختونخوا علی امین گنڈاپور کی زیر صدارت اجلاس میں پشاور بی آر ٹی سروس کو دیگر علاقوں تک توسیع دینے کا فیصلہ کر لیا گیا۔
وزیراعلیٰ خیبرپختونخوا کی صدارت میں ہونے والے اجلاس میں فیصلہ کیا گیا کہ رنگ روڈ، باڑہ روڈ اور خیبر روڈ پر بی آر ٹی بسیں چلائی جائیں گی۔
بی آر ٹی میں رش کو کم کرنے کیلئے مزید 72 ڈیزل ہائی بریڈ بسیں خریدی جائیں گی، چھ ماہ میں نئی بسوں کی خریداری اور نئے روٹس پر سول ورکس مکمل کیا جائے گا۔
رمضان المبارک میں چینی سستی فراہم کی جائے گی، شوگر ملز ایسوسی ایشن
رنگ روڈ اور یونیورسٹی روڈ کے مختلف مقامات پر سات انڈر پاسز تعمیر کرنے کا فیصلہ بھی کیا گیا، وزیراعلیٰ علی امین گنڈاپور نے کہا کہ اس مقصد کے لئے مالی وسائل کی کمی کو رکاوٹ نہیں بننے دیا جائے گا۔
وزیر اعلیٰ خیبر پختونخوا کا کہنا تھا کہ عوامی سہولت اور ضرورت کے پیش نظر بی آر ٹی سروس کو مزید بہتر بنایا جائے گا۔