جنوری میں راولپنڈی اور اسلام آباد سے ہزاروں کی تعداد میں افغان شہری وطن واپس چلے گئے۔
انٹرنیشنل آرگنائزیشن فار مائیگریشن (آئی او ایم) کی رپورٹ کے مطابق اسلام آباد اور راولپنڈی سے افغان شہریوں کی وطن واپسی میں تیزی دیکھنے میں آئی۔
راولپنڈی سے 205 افغان مہاجرین ملک بدر ، دیگر کو 31 مارچ تک پاکستان چھوڑنے کی ڈیڈ لائن
آئی او ایم کا کہنا ہے کہ 15 ستمبر 2023 سے اب تک پاکستان سے کم از کم 8 لاکھ 24 ہزار 568 افراد افغانستان واپس جا چکے ہیں جبکہ جنوری 2025 سے اب تک 18 ہزار 577 واپس جا چکے ہیں۔
رپورٹ میں کہا گیا ہے کہ واپس جانے والے 10 فیصد گھرانوں کی سربراہی خواتین کر رہی تھیں، مذکورہ مدت کے دوران بچوں کی سربراہی والے کسی بھی گھرانے کا اندراج نہیں کیا گیا۔
پاکستان نے افغان مہاجرین کی واپسی کیلئے امریکہ سے تعاون مانگ لیا
مکان کا کرایہ ادا نہ کر پانا 34 فیصد پناہ گزین گھرانوں کی افغانستان واپسی کی سب سے بڑی وجہ بتائی جا رہی ہے ، گھریلو ضروریات پورا کرنے میں ناکامی کے باعث 30 فیصد مہاجرین واپس جا رہے ہیں ، واپس جنے کی ایک بڑی وجہ گرفتاری کا خوف بھی ہے۔