تمام تر خدشات اور پڑوسی ملک کی بدگمانیوں و منفی رپورٹنگ کے باوجود آج آئی سی سی چیمپیئنز ٹرافی کا آغاز کراچی میں پاکستان اور نیوزی لینڈ کے میچ سے ہورہا ہے۔
صدر آصف علی زرداری میچ کے مہمان خصوصی ہوں گے، پاکستان ائیر فورس کی جانب سے شیر دل شو کا شاندار فضائی مظاہرہ کیا جائے گا۔
سہ ملکی سیریز میں گذشتہ دونوں باہمی میچز میں فتح کی بدولت مہمان ٹیم کے حوصلے بلند ہیں، البتہ میزبان سائیڈ نے بھی بڑے میچ میں شکستوں کا حساب پورا کرنے کا ارادہ کر لیا ہے۔
پاکستان چیمپئنز ٹرافی کیلئے پوری طرح تیار ہے، محسن نقوی
بابراعظم، فخر زمان، محمد رضوان، سلمان علی آغا، شاہین آفریدی سمیت تمام کھلاڑی اچھی کارکردگی دکھانے کے لئے پرعزم ہیں، حارث رؤف بھی فٹ ہو چکے ہیں لیکن وہ پلیئنگ الیون کا حصہ ہوں گے یا نہیں اس کا فیصلہ میچ سے قبل کیا جائے گا۔
دوسری جانب نیوزی لینڈ کے پاس کین ولیمسن سمیت کئی میچ ونرز موجود ہیں، نیشنل اسٹیڈیم کراچی کی پچ بیٹنگ کے لئے ساز گار ہے۔ دونوں ٹیموں کے کپتان کامیابی کے لئے پرعزم ہیں۔