چیمپئنز ٹرافی کے پہلے میچ میں پاکستان کو نیوزی لینڈ کے ہاتھوں شکست کا سامنا کرنا پڑا۔
321 رنزہدف کے تعاقب میں پاکستان کی پوری ٹیم 47.2اوورز میں 260 رنز بنا کر آئوٹ ہوگئی۔پاکستان کی پہلی وکٹ 8 رنز پر گری، سعود شکیل 19 گیندوں پر 6 رنز بنا کر پویلین لوٹ گئے،محمد رضوان 14 گیندوں پر 3 رنز بنا پائے،فخر زمان نے41 گیندوں پر 24 رنز کی اننگز کھیلی۔
وسیم اکرم نے ٹیم سلیکشن پر سوالات اٹھا دیئے
سلمان آغا نے 28 گیندوں پر 42 رنز بنائے ، طیب طاہر5 گیندوں پر ایک رنز بنا کر آئوٹ ہوئے،بابر اعظم نے 90 گیندوں پر 64 رنز کی اننگز کھیلی، خوشدل شاہ نے 49 گیندوں پر 69،شاہین آفریدی نے 13 گیندوں پر 14،نسیم شاہ نے 15 گیندوں پر 13،حارث رئوف نے 10 گیندوں پر19 رنز بنائے۔
نیوزی لینڈ کے ول او رورک اور مچل سینٹنر نے 3،3 جبکہ میٹ ہینری نے 2،مائیکل بریسویل اورنیتھن اسمتھ نے ایک ایک وکٹ حاصل کی۔
قبل ازیں نیوزی لینڈ نے پاکستان کو جیت کیلئے 321 رنز کا ہدف دیا،چیمپئنزٹرافی گروپ اے کے میچ میں پاکستان نے ٹاس جیتا اور پہلے بائولنگ کرنے کا فیصلہ کیا ،جو انتہائی مہنگا ثابت ہوا۔
کھلاڑیوں پر بھروسہ ہے،اچھا پرفارم کریں گے،روہت شرما
نیوزی لینڈ نے مقررہ اوورز میں 5 وکٹوں کے نقصان پر 320 رنز بنائے ،ول ینگ اور ٹام لیتھم نے شاندار سنچریاں سکور کیں،گلین فلپس نے 61 رنز کی اننگز کھیلی۔
نسیم شاہ اور حارث رئوف نے 2 ، 2 وکٹیں حاصل کیں ،ابرار احمد کے حصے میں ایک وکٹ آئی ، شاہین آفریدی 10 اوورز میں 68 رنز دیکر کوئی وکٹ حاصل نہ کر پائے۔
104 گیندوں پر 118 رنز بنانے پر نیوزی لینڈ کے ٹام لیتھم میچ کے بہترین کھلاڑی قرار پائے۔
پاکستان کی پلیئنگ الیون
کپتا ن محمد رضوان ، بابراعظم ، فخر زمان ،سعود شکیل ،سلمان علی آغا، طیب طاہر،خوشدل شاہ ،شاہین شاہ آفریدی ، نسیم شاہ ،حارث رؤف ،ابراراحمد۔
نیوزی لینڈ کی پلیئنگ الیون
کپتان مچل سینٹنر، ول ینگ، مائیکل بریسویل،ڈیون کانوے، ٹام لیتھم ،کین ویلم سن،ڈیرل مچل، گلین فلپس ،نیتھن اسمتھ،میٹ ہینری اوروِل او رورکی۔
ٹاس جیتنے کے بعد محمد رضوان نے کیا کہا؟
ٹاس جیتنے کے بعد محمد رضوان کا کہنا تھا کہ آخری2 میچز میں بعد میں اوس آئی ،دفاعی چیمپئن ہیں، اس لیے زیادہ دباؤ میں ہوں گے،حارث رؤف فٹ ہو گئے ہیں ،انہیں ٹیم میں شامل کیا گیا ہے۔
خیبرپختونخوا حکومت کی صحت کارڈ اسکیم میں مفت او پی ڈی سروسز شامل
سہ فریقی سیریز میں جو غلطیاں ہوئیں ان پر قابو پانے کی کوشش کریں گے، نیوزی لینڈ کو کم سے کم اسکور پر آؤٹ کرنے کی کوشش کریں گے۔
پاک فضائیہ کا فلائی پاسٹ
آئی سی سی چیمپئنز ٹرافی کی افتتاحی تقریب میں پاک فضائیہ نے فلائی پاسٹ کا مظاہرہ کیا،پاک فضائیہ نے فضاء میں سبز ہلالی پرچم کے رنگ بکھیرتے ہوئے قوم کو سلام پیش کیا۔پاک فضائیہ ٹیم نے پیشہ وارانہ مہارت کا ثبوت دیتے ہوئے شاہین بریک کا بھی مظاہرہ کیا،جے ایف 17 اور ایف 16 نے قوم کا لہو گرمایا،جے ایف 17 تھنڈر طیارہ بھی فلائی پاسٹ میں شریک ہوا۔
افتتاحی تقریب میں صدر مملکت آصف علی زرداری بھی خاتون اول آصفہ بھٹو کے ہمراہ شریک ہوئے۔