محکمہ موسمیات کی جانب سے پنجاب کے بیشتر اضلاع میں بارش اور پہاڑوں پر ہلکی برفباری کی پیش گوئی کی گئی ہے۔
ترجمان پی ڈی ایم اے کے مطابق 25 فروری تا یکم مارچ پنجاب کے بیشتر اضلاع میں تیز ہوا چلنے اور بارش کا امکان ہے۔ مری اور گلیات سمیت دیگر پہاڑی علاقوں میں بارش اور برفباری کی پیش گوئی کی گئی ہے۔
25 تا 28 فروری لاہور، جھنگ، فیصل آباد، شیخوپورہ، میانوالی اور سیالکوٹ میں بارش کی پیشگوئی کی گئی ہے۔
پاکستان اور بھارت کے درمیان میچ میں بارش ہو گی یا نہیں؟ پیشگوئی سامنے آ گئی
ترجمان پی ڈی ایم اے کے مطابق سرگودھا، بھکر، خوشاب،، گوجرانوالہ اور گجرات میں بھی بارش کا امکان ہے۔
25 سے 27 فروری تک ملتان، لیہ، مظفرگڑھ، خانیوال، ساہیوال، پاکپتن، اوکاڑہ اور بہاولنگر میں بھی بارش کے امکانات ہیں۔
ترجمان پی ڈی ایم اے کے مطابق بارش کے ساتھ پہاڑی علاقوں میں برف باری بھی متوقع ہے۔