چیمپئنز ٹرافی: انگلینڈ کو شکست، جنوبی افریقہ سیمی فائنل میں

اس سے قبل بیٹنگ کرتے ہوئے انگلینڈ کی پوری ٹیم 39ویں اوور میں 179 پر ہی ڈھیر ہو گئی تھی۔

جنوبی افریقہ کی جانب سے راسی وین ڈر ڈوسن 72 رنز کی عمدہ اننگز کھیل کر ناقابل شکست رہے۔

ان کے علاوہ ہینرک کلاسن 64، رائن رکلٹن 27 اور ٹرسٹن سٹبز صفر پر آؤٹ ہوئے جبکہ ڈیوڈ ملر سات رنز کے ساتھ ناٹ آؤٹ رہے۔

انگلینڈ کی جانب سے جوفرا آرچر نے دو جبکہ عادل رشید نے ایک کھلاڑی کو آؤٹ کیا۔

انگلینڈ کی جانب سے جو روٹ بھی 37، جوز بٹلر 21 اور بین ڈکٹ 24 رنز کے ساتھ نمایاں رہے۔

جنوبی افریقہ کی جانب سے مارکو یانیسن اور ویان مولڈر نے تین، تین وکٹیں حاصل کی۔

انگلش کی ٹیم کی کارکردگی ایک مرتبہ پھر مایوس رہی۔

انگلش ٹیم کے کپتان جوز بٹلر نے ٹاس جیت کر پہلے بیٹنگ کرنے کا فیصلہ کیا تاہم انگلینڈ کا آغاز مایوس کن رہا۔

اوپنر فل سالٹ صرف آٹھ، بین ڈکٹ 24 اور جیمی سمتھ صفر پر پویلین روانہ ہوگئے۔

چوتھی وکٹ کی شراکت میں جو روٹ اور ہیری بروک نے 60 رنز کی پارٹنرشپ قائم کی تاہم  ہیری بروک 19 رنز بنا کر آؤٹ ہوگئے اور بعدازاں جو روٹ بھی 37 رنز بناکر وکٹ گنوا بیٹھے۔

انگلینڈ کا چیمپئنز ٹرافی میں سفر تمام ہوا (فوٹو: آئی سی سی)

ان کے علاوہ لیام لیونگسٹون نو، جیمی اوورٹن 11، جوفرا آرچر 25، کپتان جوز بٹلر 21 اور عادل رشید دو رنز بناکر آوٹ ہوئے جبکہ ثاقب محمود پانچ رنز کے ساتھ ناٹ آؤٹ رہے۔

جنوبی افریقہ کی جانب سے مارکو یانیسن اور ویان مولڈر نے تین، تین، کیشو مہاراج نے دو، کاگیسو ربادا اور لنگی نگیڈی نے ایک، ایک وکٹ حاصل کی۔

کپتان جوز بٹلر، فل سالٹ، بین ڈکٹ، جیمی سمتھ، جو روٹ، ہیری بروک، لیام لیونگسٹون، جیمی اوورٹن، جوفرا آرچر، عادل رشید اور ثاقب محمود انگلینڈ کے سکواڈ میں شامل تھے۔

کپتان ایڈن مارکرم، ریان رکیلٹن، ٹرسٹن سٹبس، راسی وین ڈر ڈوسن، ہینرک کلاسین، ڈیوڈ ملر، ویان مولڈر، مارکو یانیسن، کیشو مہاراج، کاگیسو ربادا اور لنگی نگیڈی جنوبی افریقہ کے سکواڈ میں شامل تھے۔