دبئی: چیمپئنز ٹرافی کے پہلے سیمی فائنل میں آسٹریلیا نے بھارت کو جیت کے لیے 265 رنز کا ہدف دے دیا۔
چیمپئنز ٹرافی کا پہلا سیمی فائنل دبئی میں آسٹریلیا اور بھارت کے درمیان دبئی کے اسٹیڈیم میں کھیلا جا رہا ہے۔ آسٹریلیا نے بھارت کے خلاف ٹاس جیت کر پہلے بیٹنگ کرنے کا فیصلہ کیا۔
آسٹریلیا نے 49.3 اوور میں تمام کھلاڑیوں کے نقصان پر 264 رنز بنائے۔ اور بھارت کو جیت کے لیے 265 رنز کا ہدف دے دیا۔
آسٹریلیا کی پہلی وکٹ 4 رنز کے مجموعی اسکور پر گری جب اوپر کوپر کونولی بغیر کوئی رن بنائے پویلین لوٹ گئے۔ کوپر کونولی کے آؤٹ ہونے کے بعد ٹریوس ہیڈ نے جارحانہ انداز اپنا لیا۔
آسٹریلیا کی دوسری وکٹ 54 رنز پر گر گئی۔ ٹریویس ہیڈ 2 چھکے اور 5 چوکوں کی مدد سے 39 رنز بنانے کے بعد کیچ آؤٹ ہوگئے۔ تیسری وکٹ 110 کے مجموعی رنز پر گری جب مارنوس لبوشین 29 رنز بنا کر پویلین لوٹ گئے۔
چوتھی وکٹ 144 رنز پر گری۔۔ جوش انگلس 11 رنز بنا کر جلد ہی بھارتی باؤلر کا شکار ہو گئے۔ اسٹیو اسمتھ ایک اچھی اننگز کھیلنے کے بعد 73 رنز بنا کر 198 کے مجموعی اسکور پر آؤٹ ہوئے۔ جبکہ چھٹی وکٹ 205 رنز پر گری جب گلین میکسویل صرف 7 رنز بنا کر بولڈ ہوئے۔
کیویز کے بعد میں آنے والے کھلاڑی زیادہ جم کر نہ کھیل سکے اور اوورز ختم ہونے سے قبل ہی تمام کھلاڑی آؤٹ ہوگئے۔
آسٹریلوی کپتان اسٹیو اسمتھ نے گفتگو کرتے ہوئے کہا کہ پچ خشک لگ رہی ہے اور ہماری ٹیم میں 2 تبدیلیاں کی گئی ہیں۔
بھارتی کپتان روہت شرما نے کہا کہ ہم بیٹنگ یا باؤلنگ دونوں کے لیے تیار تھے۔ اور ہماری ٹیم میں کوئی تبدیلی نہیں کی گئی ہے۔ وقت کے ساتھ پچ اپنی نیچر کو تبدیل کرتی ہے۔
انہوں نے کہا کہ آسٹریلیا کی ٹیم کو کم رنز پر روکنے کی کوشش کریں گے۔
بھارتی ٹیم ایونٹ میں تاحال ناقابل شکست رہی ہے۔ بھارت اور آسٹریلیا کے درمیان 151 ایک روزہ میچز کھلیے گئے ہیں۔ جن میں سے 84 میں کینگروز نے میدان مارا جبکہ 57 میں بھارت نے کامیابی حاصل کی ہے۔
چیمپئنز ٹرافی میں دونوں ٹیمیں 4 بار مد مقابل آئیں۔ بھارت نے 2 اور آسٹریلیا نے ایک میچ میں کامیابی حاصل کی۔ جبکہ ایک میچ بغیر نتیجہ رہا۔ آئی سی سی ایونٹس کے ناک آؤٹ میچز میں دونوں ٹیموں کا 8 بار آمنا سامنا ہوا۔ اور دونوں ٹیموں نے چار، چار میچز جیتے۔
یہ بھی پڑھیں: نیوزی لینڈ کے کھلاڑی میٹ ہنری نے رچرڈ ہیڈلی کا ریکارڈ توڑ دیا
دوسرے سیمی فائنل میں نیوزی لینڈ اور جنوبی افریقہ 5 مارچ کو مدمقابل ہوں گے۔ دونوں ٹیمیں آج قذافی اسٹیڈیم میں ٹریننگ سیشن کریں گی۔