سیکیورٹی فورسز نے خارجیوں کے بنوں کینٹ میں داخلے کی کوشش ناکام بنا دی، بروقت کاروائی کے دوران انٹری پوائنٹ پر چھ خوارج کو ہلاک کردیا گیا۔ خارجیوں کے حملے میں نو شہری شہدی، سولہ زخمی ہونے کی اطلاعات ہیں۔
سیکورٹی ذرائع کے مطابق، افطار کے وقت جب بنوں بازار میں رش تھا، اس وقت خارجیوں نے بارود سے بھری دو گاڑیاں بنوں کینٹ کی دیوار سے ٹکرا دیں۔
خارجیوں نے ایک بارود سے بھری گاڑی کے ذریعہ بازار سے ملحقہ ایریا میں دھماکہ کیا،اس بزدلانہ حملے میں 9 معصوم شہری شہید اور 16 زخمی ہونے کی اطلاعات ہیں۔خوارج کے حملے میں قریبی مسجد بھی شہید ہوگئی۔
سیکیورٹی فورسز کاضلع خیبر میں آپریشن،10خوارج ہلاک
سیکورٹی ذرائع کے مطابق، خارجیوں کا رمضان المبارک میں افطار کے وقت معصوم شہریوں اور مسجد کو نشانہ بنانا اس بات کی غمازی کرتا ہے کہ ان کا اسلام سے کوئی تعلق نہیں ہے۔
سیکیورٹی فورسز کا تمام خارجیوں کے صفایا تک کلیرنیس آپریشن جاری رہے گا۔