پاکستانی فاسٹ بولر حارث رؤف باپ بن گئے! گھر میں خوشیوں کی بہار آگئی، جب ننھے مہمان کی آمد نے زندگی کو مزید خوشگوار بنا دیا۔ قومی کرکٹر کے ہاں بیٹے کی ولادت کی خبر سامنے آتے ہی ساتھی کھلاڑیوں اور مداحوں کی جانب سے مبارکبادوں کا سلسلہ شروع ہوگیا۔
شاہین شاہ آفریدی نے اپنے سوشل میڈیا اکاؤنٹ پر مبارکباد کا پیغام شیئر کیا اور حارث رؤف کے لیے نیک خواہشات کا اظہار کیا۔ دوسری جانب شاداب خان نے بھی انسٹاگرام اسٹوری کے ذریعے اپنے دوست کو باپ بننے کی خوشی میں مبارکباد دی۔
سوشل میڈیا پر مداحوں اور ساتھی کھلاڑیوں کی جانب سے خوشی اور نیک تمناؤں کا اظہار جاری ہے، تاہم حارث رؤف نے خود تاحال کوئی بیان جاری نہیں کیا۔
یاد رہے کہ حارث رؤف نے 24 دسمبر 2022 کو اپنی ہم جماعت مزنا مسعود ملک سے نکاح کیا تھا، جبکہ جولائی 2023 میں ان کی رخصتی اور ولیمہ کی شاندار تقریبات منعقد ہوئیں۔ اب یہ جوڑا اپنے پہلے بچے کی پیدائش پر بے حد خوش ہے، اور مداح بھی انہیں ڈھیروں دعائیں دے رہے ہیں۔