اہم نکات
پی ٹی آئی دہشت گردی کے خلاف قومی اتحاد کی حقیقی ترجمان: بیرسٹر سیف
عالمی بینک سے پاکستان کے لیے 10 کروڑ 20 لاکھ ڈالرز قرض کی منظوری
چین کے تعاون سے سولر پروجیکٹس میں اضافہ کریں گے: وزیراعلیٰ سندھ
اسلام آباد اور پشاور سے انسانی سمگلنگ اور ویزہ فراڈ میں ملوث ملزمان گرفتار
پاکستان کی وفاقی حکومت نے عیدالفطر پر تین عام تعطیلات کا اعلان کر دیا ہے۔کابینہ ڈویژن سے بدھ کو عید کی چھٹیوں سے متعلق نوٹیفیکشن جاری کیا۔نوٹیفیکیشن کے مطابق ملک میں 31 مارچ سے دو اپریل (پیر سے بدھ) تک عام تعطیلات ہوں گی۔عالمی بینک نے پاکستان کے لیے 10 کروڑ 20 لاکھ ڈالرز قرض کی منظوری دے دی عالمی بینک نے پاکستان کے لیے 10 کروڑ 20 لاکھ ڈالرز قرض کی منظوری دے دی ہے۔عالمی بینک کے بدھ کو جاری کردہ اعلامیے کے مطابق ’یہ رقم موسمیاتی تبدیلی سے متاثر غریب کاشت کاروں کے لیے ہو گی۔ اس سے موسمیاتی تبدیلی سے متاثرہ افراد کو چھوٹے قرضے دیے جائیں گے۔‘یہ رقم عالمی بینک کے 10سالہ کنٹری پارٹنر شپ پروگرام کا حصہ ہے۔عالمی بینک کا کہنا تھا کہ ’مائیکرو فنانس غریب طبقے کی مالی مدد کے لیے ایک اہم ذریعہ ہے، اس منصوبے سے 10 لاکھ خواتین سمیت تقریباً 19 لاکھ افراد مستفید ہوں گے۔‘واضح رہے کہ پاکستان میں ورلڈ بینک کے تعاون سے 54 منصوبے جاری ہیں۔ اس طرح پاکستان میں عالمی بینک کی کُل سرمایہ کاری 15 اعشاریہ سات ارب ڈالر تک پہنچ گئی ہے’کیش لیس خیبرپختونخوا‘ ، صوبے میں ڈیجیٹل ادائیگیوں کے نظام کے اجراء کا فیصلہپاکستان کے صوبہ خیبر پختونخوا کی حکومت نے ہر قسم کی لین دین اور کاروباری ادائیگیوں کے لیے یونیورسل ڈیجیٹل پیمنٹ سسٹم کے اجراء کا فیصلہ ہے۔وزیراعلیٰ ہاؤس پشاور سے جاری کردہ بیان کے مطابق ’کیش لیس خیبر پختونخوا‘ کے برینڈ نام سے یونیورسل ڈیجیٹل پیمنٹ سسٹم پر عمل درآمد کے لیے حکمت عملی تیار کر لی گئی ہے۔بیان کے مطابق ’اس سسٹم کے تحت ہر قسم کے چھوٹے بڑے کاروبار اور نجی و سرکاری لین دین کے لیے آن لائن ادائیگی لازمی ہو گی اور یہ سسٹم آف لائن بھی کام کرے گا۔‘کیش لیس خیبر پختونخوا پروگرام کے تحت تمام چھوٹے بڑے کاروباری مراکز، پبلک ٹرانسپورٹ وغیرہ کے لیے کیو آر کوڈ آویزاں کرنا لازمی ہو گا۔ پی ٹی آئی دہشت گردی کے خلاف قومی اتحاد کی حقیقی ترجمان ہے: بیرسٹر سیفپاکستان کے صوبہ خیبر پختونخوا کی حکومت کے مشیر اطلاعات بیرسٹر سیف نے قومی سلامتی کمیٹی کے اجلاس پر اپنا ردعمل دیتے ہوئے کہا کہ ’اجلاس بلانے والے بتائیں کہ نواز شریف نے اجلاس کا بائیکاٹ کیوں کیا؟‘بیرسٹر سیف نے بدھ کو اپنے بیان میں سوال اٹھایا کہ ’کیا نواز شریف کی غیرموجودگی دہشت گردوں کی حمایت ہے؟ کیا نواز شریف کے پلیٹ لیٹس پھر گر گئے ہیں کہ اجلاس میں نہیں آئے؟‘انہوں نے کہا کہ ’پی ٹی آئی قیادت کو جیل میں قید کر کے حکومت نے قومی اتفاق رائے کو خود ناکام بنایا۔ گزشتہ پانچ آپریشنز کی طرح کسی نئے آپریشن سے پہلے قومی اتحاد کی طاقت سے مسلح ہونا اولین شرط ہے۔‘’پی ٹی آئی دہشت گردی کے خلاف قوم کے اتحاد اور احساسات کی حقیقی ترجمان ہے اور دہشت گردی کے خلاف قربانیاں دینے والے قوم کے بہادروں کے ساتھ کھڑی ہے۔‘تیسرا ٹی20 ، پاکستانی ٹی20 سکواڈ آکلینڈ پہنچ گیاپاکستان کرکٹ ٹیم تیسرے ٹی20 کے لیے ڈونیڈن سے آکلینڈ پہنچ گئی ہے۔قومی ٹی20 سکواڈ کل ایڈن پارک آکلینڈ میں دو بجے سے پانچ بجے تک پریکٹس کرے گا۔واضح رہے کہ پاکستان اور نیوزی لینڈ کے مابین تیسرا ٹی20 میچ 21 مارچ (جمعے) کو کھیلا جائے گا۔چین کے تعاون سے سولر پروجیکٹس میں اضافہ کریں گے: وزیراعلیٰ سندھپاکستان کے صوبہ سندھ کے وزیراعلیٰ مراد علی شاہ نے کہا ہے کہ صدر مملکت آصف زرداری کی چین کے صدر سے ملاقات کے بعد ترقی کی نئی راہیں ہموار ہوئی ہیں۔وزیراعلیٰ ہاؤس سندھ سے جاری کردہ بیان کے مطابق وزیراعلیٰ مراد علی شاہ نے چین کے قونصل جنرل یانگ یونڈونگ کی ملاقات کی اور اس موقعے پر سی پیک کے جاری منصوبوں اور نئے پروجیکٹس پر بات چیت ہوئی۔وزیراعلیٰ سندھ کا کہنا تھا کہ ’کراچی میں پانی کے مختلف منصوبے چین کے تعاون سے شروع کرنے جا رہے ہیں۔ سولر پروجیکٹس بھی چین کے تعاون سے بڑھائیں گے۔‘ان کا کہنا تھا کہ ’میں چین کے دورے کا منصوبہ بنا رہا ہوں تاکہ میگا پروجیکٹس طے کر سکیں۔‘چینی قونصل جنرل یانگ یونڈونگ نے کہا کہ ’چین کے سرمایہ کار سندھ میں مزید سرمایہ کاری کرنے کے لیے تیار ہیں۔‘انسانی سمگلنگ اور ویزہ فراڈ میں ملوث تین ملزمان گرفتارپاکستان کے وفاقی تحقیقاتی ادارے (ایف آئی اے) کے اینٹی ہیومن ٹریفکنگ سرکل پشاور نے ویزہ فراڈ اور انسانی سمگلنگ میں ملوث دو اشتہاریوں سمیت تین ملزمان کو گرفتار کر لیا ہے۔ایف آئی اے کے مطابق گرفتار ملزمان کی شناخت خلیل اللہ، مرجان علی اور حارث خان خلیل کے نام سے ہوئی۔‘بیان کے مطابق ’ملزم خلیل اللہ اور مرجان علی کو اسلام آباد سے گرفتار کیا گیا۔ یہ ملزمان 2024 میں درج کیے گئے مقدمے میں مطلوب ہیں۔‘ایف آئی اے کے مطابق ’ملزمان شہریوں کو امریکی ورک ویزے فراہم کرنے کا جھانسہ دے کر لاکھوں روپے بٹورنے میں ملوث پائے گئے۔‘ایک اور چھاپہ مار کارروائی پشاور میں واقع ٹریول ایجنسی کے دفتر ملزم حارث خان خلیل کو گرفتار کیا جن پر بغیر لائسنس ٹریول ایجنسی چلانے کا الزام ہے۔