اسلام آباد: صدر مملکت آصف علی زرداری شہید بے نظیر آباد اور وزیر اعظم شہباز شریف لاہور میں عید منائیں گے۔
وزیر اعظم شہباز شریف عید الفطر کی نماز ماڈل ٹاؤن لاہورمیں ادا کریں گے۔ جبکہ صدر مسلم لیگ ن نواز شریف عید کی نماز جاتی امرا میں ادا کریں گے۔ چیئرمین پیپلز پارٹی بلاول بھٹو زرداری نوڈیرو گڑھی خدا بخش بھٹو میں عید منائیں گے۔
جمعیت علمائے اسلام (جے یو آئی) ف کے سربراہ مولانا فضل الرحمان عیدالفطر آبائی گاؤں عبدالخیل میں منائیں گے۔ بانی پی ٹی آئی عمران خان اڈیالہ جیل میں عید منائیں گے۔
وزیر اعلیٰ پنجاب مریم نواز عید جاتی امرا میں منائیں گی۔ اور وزیر اعلیٰ سندھ سید مراد علی شاہ سیہون میں نماز عید ادا کریں گے۔ وزیر اعلیٰ بلوچستان سرفراز بگٹی عید الفطر اپنے آبائی علاقے بیکر ضلع ڈیرہ بگٹی میں منائیں گے۔ وزیراعلیٰ خیبرپختونخوا علی امین خان گنڈا پور ڈی آئی خان میں عید منائیں گے۔
اسپیکر پنجاب اسمبلی ملک محمد احمد قصور اور اسپیکر سندھ اسمبلی قادر شاہ سکھر میں عید منائیں گے۔
یہ بھی پڑھیں: عید پر بیشتر علاقوں میں موسم خشک اور گرم رہنے کا امکان
گورنر سندھ کامران خان ٹیسوری کراچی، قائم مقام گورنر بلوچستان عبدالخالق اچکزئی چمن میں عید الفطر منائیں گے۔ گورنر خیبرپختونخوا فیصل کریم کنڈی ڈی آئی خان میں عید منائیں گے۔
ایم کیو ایم رہنما خالد مقبول صدیقی، فاروق ستار اور وفاقی وزیر صحت مصطفیٰ کمال کراچی میں عید منائیں گے۔