عالمی مارکیٹ میں منگل کو سونے کی قیمت میں غیر معمولی کمی ریکارڈ کی گئی جس کے نتیجے میں فی اونس سونے کی قیمت 39 ڈالر کی کمی سے 3ہزار327 ڈالر کی سطح پر آگئی اس کمی کے سبب مقامی صرافہ مارکیٹوں میں بھی سونے کی قیمت میں نمایاں کمی آئی ۔
آل پاکستان صراف اینڈ جیولرز ایسوسی ایشن کے مطابق منگل کو فی تولہ سونے کی قیمت 3ہزار 800 روپے کی کمی سے3 لاکھ 54 ہزار 365 روپے ہوگئی جب کہ دس گرام سونے کی قیمت بھی 3 ہزار 258 روپے کی کمی سے3 لاکھ 3 ہزار810 روپے کی سطح پر آگئی ۔
دوسری جانب چاندی کی فی تولہ قیمت بھی 9 روپے کی کمی سے 3ہزار 790 روپے اور دس گرام چاندی کی قیمت 3249روپے ہوگئی۔