کامیڈی وائلڈ لائف 2017 کے مقابلے میں پیش کی جانے والی تصاویر

دی کامیڈی وائلڈ لائف 2017 کے مقابلے میں قدرت مزاح سے بھرپور مناظر کو سراہا جاتا ہے۔ اس مقابلے کا مرکزی انعام پانے والی تصویر ایک الو کی ہے جو شاخ سے گرنے کے بعد دوبارہ اس پر بیٹھنے کی بھرپور کوشش کر رہا ہے۔ یہ اس مقابلے کا تیسرا سال ہے اور اس کا مقصد ایسی دلچسپ تصاویر سے لطف اندوز ہونے کے ساتھ ساتھ اس کرہ ارض پر موجود جانوروں کے متعلق آگاہی پھیلانا ہے۔ اس مقابلے کے فاتح کا انتخاب 3500 انٹریز میں سے کیا گیا۔ ان انٹریز میں سے چند دلچسپ تصاویر پیشِ خدمت ہیں۔

یہ فاتح تصویر جس میں ایک الو اپنا توازن کھونے کے بعد دوبارہ شاخ پر بیٹھنے کی کوشش کر رہا ہے ہنگری میں ٹبروز کرچ نے بنائی ہے۔ اس تصویر کو مقابلے کا مرکزی انعام دیا گیا۔ انعام میں کئی اور چیزوں کے ساتھ کینیا کا ٹرپ بھی شامل ہے۔ فوٹو: ٹبروز کرچ

آندریازیمپتی نے ’آن دی لینڈ‘ کیٹیگری میں اس تصویر پر انعام پایا۔ یہ تصویر اٹلی میں ایک خرموش کی ہے۔ فوٹو: آندریا زیمپتی

اس تصویر میں ایک سمندری کچھوا مچھلی کے منہ پر طمانچہ لگا رہا ہے۔ یہ تصویر ٹرائے مائین نے بنائی ہے اور ’انڈر دی سی‘ کیٹیگری کے زمرے میں کامیاب پائی۔ فوٹو: ٹرائے مائین

جان تھرلفال ’اپ ان دی ایئر‘ کیٹیگری کے فاتح قرار پائے۔ ان کی اس تصویر میں ایسا لگ رہا ہے جیسے پرندہ دھواں چھوڑتا ہوا جا رہا ہے۔ ایسا اس لیے دکھائی دے رہا ہے کیونکہ یہ پرندہ بالکل آسمان پر اڑنے والے جہاز کے سامنے ہے۔ فوٹو: جان تھرلفال

ڈیزی گیلاردینی نے اس چھوٹے برفانی ریچھ کی تصویر مانیٹوبا کینیڈا میں اس وقت بنائی جب وہ اپنی ماں کے ساتھ چپکا ہوا تھا۔ فوٹو: ڈیزی گیلاردینی

پینی پالمر نے اود بلاو کی یہ تصویر اس وقت بنائی جب وہ آرام کر رہا تھا۔ یہ تصویر کیلیفورنیا میں لی گئی ہے۔ فوٹو: پینی پالمر

یہ تمام پینگوئن چرچ جانے کے لیے تیار ہیں۔ کارل ہینری نے یہ تصویر جنوبی جارجیا کے جنوبی ایٹلانٹک جزیرے میں بنائی۔ فوٹو: کارل ہینری

اولیور کول نے ایک خرگوش کی تصویر بیلجیئم میں بنائی جس نے اپنا منہ گھاس سے بھرا ہوا ہے۔ اس تصویر کو سب سے زیادہ پسند کیے جانے کا ایوارڈ ملا۔ فوٹو: اولیور کول

یہ دونوں بندر سڑک کی سیر کرنے کے لیے بالکل تیار لگ رہے ہیں۔ ان کی یہ تصویر انڈونیشیا میں بنائی گئی ہے۔ فوٹو: کیٹی لیویک- فوسٹر

شان جیکس ایلکیلے نے جنوبی افریقہ کے ایک چکار جو بیل سے مشابہ ہوتا ہے کی تصویر ایسے موقع پر بنائی جب وہ بظاہر اپنے ہی ساتھی جانوروں کے ریوڑ پر سوار تھا۔ فوٹو: شان جیکس ایلکیلے