شوق کا مول نہیں٬ چائے کی نایاب اور مہنگی ترین اقسام

ہم میں سے اکثر افراد کے دن کا آغاز چائے کے کپ سے ہوتا ہے- یہاں تک کچھ لوگ تو چائے کے اتنے شوقین ہوتے ہیں کہ وہ جب تک انہیں صبح چائے نہ ملے ان کی آنکھیں اور دماغ کام ہی نہیں کرتے- لیکن ہم جو چائے کے بارے میں بتانے جارہے ہیں وہ جان کر ہی بغیر چائے پیے بھی آپ کا دماغ کام کرنا شروع کردے گا- جی ہاں ہم آپ کو دنیا میں چائے کی ایسی اقسام کے بارے میں بتائیں گے جو انتہائی نایاب اور بیش قیمت ہیں-
 

Tienchi Flower Tea
یہ چائے چین میں پیدا ہوتی ہے لیکن دنیا بھر میں مشہور ہے- یہ ایک صحت بخش چائے ہے اور اپنی طبی خصوصیات کی بنا پر بےپناہ مقبولیت رکھتی ہے- اس چائے کی پتیوں کو بے خوابی اور الرجی جیسی بیماریوں کے لیے استعمال کیا جاتا ہے- تاہم یہ ایک مہنگی چائے ہے اور اس کی قیمت 170 ڈالر فی کلو گرام ہے-

Gyokuro
یہ سبز چائے کی ہی ایک قسم ہے اور جاپان کے ضلع Uji میں اس کی پتیوں کے بغیر پیسے پیش کیا جاتا ہے- اس کا ذائقہ میٹھا ہوتا ہے اور یہ ایک مخصوص خوشبو کی مالک ہوتی ہے- یہ چائے 2 سے 3 ہفتوں کے دوران کٹائی کے قابل ہوجاتی ہے- یہ بھی ایک مہنگی چائے ہے٬ اسے فی کلو گرام 650 ڈالر کے حساب سے فروخت کیا جاتا ہے-

Poo Poo Pu-Erh Tea
چائے کی یہ قسم چین کے صوبے یونان میں پائی جاتی ہے- یہ سیاہ چائے بہترین ذائقے کی حامل ہوتی ہے اور دنیا بھر میں اسے شفایابی کی خصوصیات کے حوالے سے جانا جاتا ہے- اس چائے کی قیمت فی کلو گرام 1 ہزار ڈالر ہے-

Silver Tips Imperial Tea
یہ مغربی بنگال کے علاقے Darjeeling میں کاشت کی جانے والی سب سے مہنگی چائے ہے- اسے Makaibari Tea Estate پر کاشت کیا جاتا ہے جس کی مالک کمپنی کو لکشمی ٹی کے نام سے جانا جاتا ہے- اس چائے کی خوشبو اور ذائقہ دونوں ہی لطیف ہوتے ہیں- عام طور پر یہ چائے 400 ڈالر فی کلو گرام کے حساب سے فروخت کی جاتی تھی- سال 2014 میں تین خریداروں نے سے 1850 ڈالر کے عوض فروخت کیا-