پروٹین سے متعلق 5 غلط فہمیاں اور اصل حقائق

ہمارے جسم کو پروٹین کی ضرورت ہوتی ہے کیونکہ مسلز کی افزائش٬ ٹشو کی مرمت٬ جلد اور خون کے حوالے سے مددگار ثابت ہوتا ہے- ہمارے جسم کو روزانہ پروٹین کی ایک مخصوص مقدار کی ضرورت ہوتی ہے- لیکن ہم پروٹین کے حوالے سے کئی قسم کی غلط فہمیوں کا شکار ہیں جس کی وجہ سے یا تو ہم پروٹین کا اضافی استعمال کرنے لگ جاتے ہیں یا پھر بالکل ہی نہیں کرتے- ہم یہاں پروٹین سے متعلق چند غلط فہمیوں اور اصل حقائق کا ذکر کریں گے جو آپ کو صحت مند رکھنے کے حوالے سے مددگار ثابت ہوسکتے ہیں-
 

وزن میں کمی
اگر آپ اپنا وزن کم کرنا چاہتے ہیں تو ایسی غذاؤں کا استعمال کم کیجیے جن میں پروٹین کی بھاری مقدار پائی جاتی ہو- پروٹین والی غذائیں آپ کا وزن کم کرنا مشکل بنا دیتی ہیں- اتنا ہی پروٹین استعمال کیجیے جتنا کہ آپ کے جسم کو ضرورت ہے-

گردوں کی بیماری
اضافی پروٹین جسم میں داخل کرنا بھی آپ کے لیے نقصان دہ ثابت ہوسکتا ہے- اضافی پروٹین گردوں کی بیماریاں لاحق ہونے کا سبب بن سکتے ہیں- اگر آپ میں گردوں کی یا پھر جگر کی بیماری کی تشخیص ہوتی ہے تو پھر آپ کو ڈاکٹر سے رابطہ کر کے اپنے جسم کے لیے پروٹین کی مطلوبہ مقدار کے حوالے سے بھی جاننا چاہیے-

سبزیوں کا استعمال
ایسے افراد جو صرف سبزیاں کھاتے ہیں انہیں یاد رکھنا چاہیے اس طرح وہ جسم کے لیے پروٹین کی مطلوبہ مقدار حاصل نہیں کرسکتے- انہیں مچھلی٬ دال٬ چاول اور خشک میوہ جات کو بھی اپنی غذا میں لازمی شامل کرنا چاہیے- ایسی غذا کھانی چاہیے جو متوازن ہو اور اس میں تمام غذائی اجزاﺀ شامل ہوں-

پروٹین سپلیمنٹ
اگر آپ کے جسم کو پروٹین کی مطلوبہ مقدار حاصل ہورہی ہے تو پھر پروٹین سپلیمنٹ کے استعمال کی ضرورت نہیں ہے- آپ کو طبی ماہرین سے یہ ضرور جاننا چاہیے کہ آپ کے جسم کو پروٹین کی کتنی مقدار کی ضرورت ہے اور وہ کیسے حاصل ہوسکتی ہے- ہر انسانی جسم میں پروٹین کی مطلوبہ مقدار میں فرق ہوتا ہے- اور اس مقدار کا انحصار عمر٬ جنس٬ پیشہ اور طرزِ زندگی پر ہوتا ہے-