روز قیامت اچھّے دوستوں کے علاوہ تمام دوست ایک دوسرے کے دشمن ہونگے

(Muhammad Rafique Etesame, Ahmedpureast)

ارشاد باری تعالیٰ ہے ’’جتنے دوست ہیں اس دن ایک دوسرے کے دشمن ہونگے مگر جو لوگ ڈرتے ہیں اللہ سے، اے میرے بندو تم پر نہ ڈر ہے آج کے دن اور نہ تم غمگین ہوگے‘‘(الزخرف:۶۸)

تفسیر میں لکھا ہے کہ اس دن (روز قیامت)دوست دوست سے بھاگے گا کہ اس کے سبب سے کہیں میں نہ پکڑا جاؤں، دنیا کی سب دوستیاں او ر محبتیں اس دن منقطع ہو جائیں گی آدمی پچتائے گا کہ فلاں شریر آدمی سے دوستی کیوں کی جو اس کے اکسانے پر آج گرفتار مصیبت ہونا پڑا؟

اس وقت وہ شخص جو بڑی گرم جوشی کے ساتھ دوسرے کی محبت میں گرفتار ہوگا وہ اس کی صورت دیکھنے سے بھی بیزار ہوگا۔ البتّہ جن کی دوستی اور محبت صرف اللہ کیلئے تھی اور اللہ کے خوف پر مبنی تھی وہ دوست کام آئیں گے۔(تفسیر از مولانا شبّیر احمد عثمانیؒ )

لہٰذا کسی کو اپنا دوست بناتے وقت نہایت احتیاط کی ضرورت ہے مثلاً کوئی غیر مسلم نہ ہو،کوئی غلط عقیدہ والا نہ ہو، کوئی ایسا نہ ہو جو آحضرت صلی اللہ علیہ و سلّم کی ختم نبوّت پر ایمان نہ رکھتا ہو۔

آجکل بعض لوگ فلمیں اور ڈرامے دیکھ کر ہندو تہذیب و تمدّن سے بہت زیادہ متاثرہیں اور انھیں جیسی عادات و سٹائل اپنانے کی کوشش کرتے ہیں اس سے بچنا بہت ضروری ہے، حدیث شریف میں آتا ہے جو شخص کسی قوم کی مشابہت اختیار کرتا ہے وہ روز قیامت انھیں میں سے اٹھایا جائے گا۔

لہٰذا دوستی و محبّت اپنی جگہ پر مگر اپنے عقیدے و ایمان کی سلامتی اپنی جگہ پر، ایسا نہ ہو کہ دوست کی وجہ سے روز قیامت خود کسی مصیبت میں پھنس جائے جس سے پھر چھٹکارا ممکن نہیں۔

حدیث شریف کے مطابق سات قسم کے لوگ اللہ تبارک و تعالیٰ کے عرش کے سائے کے نیچے ہونگے جس دن اور کوئی سایہ نہ ہوگا ان میں دو ایسے شخص بھی ہونگے جو آپس میں اللہ تعالیٰ کی رضامندی کی خاطر ملتے ہیں اور اسی پر جدا ہوتے ہیں۔ یعنی انکی محبّت دوستی اور تعلّقات کی بنیاد صرف اللہ تبارک و تعالیٰ کی رضامندی کیلئے ہے۔

اللہ تبارک و تعالیٰ سے دعا ہے کہ وہ ہمیں عقیدہ و عمل کے لحاظ سے اچھے دوست بنانے کی توفیق عطا فرمائے ، آمین۔
 

Comments Print Article Print
 PREVIOUS
NEXT 
About the Author: Muhammad Rafique Etesame

Read More Articles by Muhammad Rafique Etesame: 158 Articles with 129929 views »

بندہ دینی اور اصلاحی موضوعات پر لکھتا ہے مقصد یہ ہے کہ امر بالمعروف اورنہی عن المنکر کے فریضہ کی ادایئگی کیلئے ایسے اسلامی مضامین کو عام کیا جائے جو
.. View More
28 Jul, 2018 Views: 992

Comments

آپ کی رائے

مزہبی کالم نگاری میں لکھنے اور تبصرہ کرنے والے احباب سے گزارش ہے کہ دوسرے مسالک کا احترام کرتے ہوئے تنقیدی الفاظ اور تبصروں سے گریز فرمائیں - شکریہ